Պատմական համատեղ ենթահանձնաժողով Արձանագրությունում տեղ գտած պատմական համատեղ հանձնաժողովում զուտ թուրք եւ հայ պատմաբաններ չեն ընդգրկվելու. ներգրավվելու են ամերիկացի, ֆրանսիացի, անգլիացի եւ շվեյցարացի պատմաբաններ նույնպես: Ի դեպ, այս քայլերի մասին անձամբ թուրքական հանրային հեռուստատեսությամբ, ըստ երեւույթին, Նյու Յորք ուղեւորվելու նախաշեմին արտահայտվեց վարչապետ Էրդողանը` ընդգծելով Հայաստանի նախագահի ֆուտբոլային հանդիպման համար Բուրսա ժամանելու անհրաժեշտությունը: Որքան էլ նշված քայլերը նախապայմանի բնույթ կրեն, այնուամենայնիվ, պարունակում են նաեւ որոշակի մտավախություն` պայմանավորված նախագահ Աբդուլլահ Գյուլի հրավերը մերժելու Հայաստանի նախագահի հնարավոր դիրքորոշմանը: «Րաֆֆիի նման մեծ մարդը ստորագրեց» Երեկ արտգործնախարարության շենքի դիմաց նստած հացադուլավորները «Հրապարակի» թղթակցին ասել են, որ երկու օր առաջ Րաֆֆի Հովհաննսիյանը միացել է իրենց ստորագրահավաքին. «Րաֆֆիի նման մեծ մարդը եկավ ու ստորագրեց»: Նշենք, որ ՀՅԴ ստորագրահավաքն ուղղված է հայ-թուրքական նախաստորագրված արձանագրություններում փոփոխություններ մտցնելուն: Ընկույզ ուտե՞լ, թե՞ պահակին ծեծել «Տեր-Պետրոսյանը հավանաբար ենթադրում է, որ այս պրոցեսը կձախողվի եւ դրանից կկարողանան օգտվել ինքն ու իր կողմանկիցները: Շատ էլ բարդ չէ հասկանալու համար, որ ձախողման դեպքում նա հույս ունի ստանձնել «ազգի պապայի» դերը: Սա եւս թյուրիմացություն է, քանի որ, եթե ձախողում լինի, դրանից ոչ մի հայ չի կարող օգուտ քաղել: Միանգամայն հասկանալի է, որ մեր երկրում կան քաղաքական ուժեր, որոնց հետաքրքրում է ոչ թե այս պրոցեսի բարեհաջող ավարտը, այլ սկանդալը: Իսկ մեր խնդիրն ընկույզ ուտելն է, ոչ թե ընկուզենիների պահակին ծեծելը»,- համոզված է Վահան Հովհաննիսյանը: Մենավոր ընկուզենին «Դաշնակցության խնդիրը պոպոքի այգու պահակին ծեծելը չէ, այլ պոպոք ուտելը»,-հայտարարլե է Վահան Հովհաննիսյանը` անդրադառնալով այն հարցին, թե ինչու Դաշնակցությունն առ այսօր չի պահանջում Սերժ Սարգսյանի հրաժարականը: «ՉԻ» - Վահան Հովհաննսիյանի խոստովանությունը, ինչպես միշտ, անկեղծ է. որեւէ մեկը չէր կասկածում, որ Դաշնակցության առնվազն վերնախավի հիմնական նպատակն «ինչ-որ բան ուտելն է»: Այլ հարց է, որ խոսքն այս դեպքում վերաբերում է հայ-թուրքական հարաբերությոններին: Այսինքն` այս դեպքում «պոպոք ուտել» նշանակում է չստորագրել հայ-թուրքական արձանագրությունները, եւ իրավիճակը թողնել այնպիսին, ինչպիսին կար: Այլ կերպ ասած` ստացվում է, որ Հայաստանը 18 տարի շարունակ «պոպոք էր ուտում», պարզապես «վրաններս խաբար չկար»: Ինչ վերաբրում է «պահակին ծեծելուն», ապա նկատենք, որ կոնկրետ այս դեպքում դա ամենեւնին էլ քրեորեն հետապնդելի արարք չէ, որովհետեւ նախագահի հրաժարականը պահանջելը նորմալ քաղաքական քայլ է, եւ, ի դեպ, նախատեսված է ՀՀ Սահմանադրությամբ եւ օրենքներով: Ուրիշ բան, որ «պահակն» ինքը կարող է որոշ ծառայությունների դիմաց Դաշնակցությանը պոպոք տալ: «Բրաբիոնի» վերադարձը-2 Հայաստանի կենտրոնական ընտրական հանձնաժողովը երեկ արտահերթ նիստում համամասնական ընտրակարգով Ազգային ժողովի պատգամավոր է գրանցել «Բարգավաճ Հայաստան» կուսակցության անդամ Ռուբեն Գեւորգյանին: Նա հանրությանը հայտնի է «Ծաղիկ Ռուբո» մականունով, 1999-2003 թթ. մեծամասնական ընտրակարգով կրկին զբաղեցրել է ԱԺ պատգամավորական մանդատը: Ռ. Գեւորգյանն այժմ փոխարինելու է ԲՀԿ-ական Ռուբիկ Հարությունյանին, ով սեպտեմբերի 11-ին վարչապետի որոշմամբ նշանակվել է արտակարգ իրավիճակների նախարարի տեղակալ: Հնչակյաններն ըմբոստանում են Սեպտեմբերի 26-ին Հայաստանում տեղի է ունենալու համահնչակյան կնտրոնական վարչության 19-րդ համագումարը: Համագումարի քննարկման օրակարգում են նաեւ հայ-թուրքական հարաբերությունների եւ ԼՂ հիմնահարցի կարգավորմանն առնչվող հարցեր: «Առավոտի» տեղեկություններով, այս հարցերի վերաբերյալ բավականին կոշտ ելույթներ են հնչելու, չի բացառվում, որ որոշում կայացվի կենտրոնացնել ողջ աշխարհի հնչակյանների  ուժերն ու կարողությունները, եւ բողոքի լայնածավալ ակցիաներ սկսվեն ինչպես Հայաստանում, այնպես էլ Սփյուռքում: Համագումարին Սփյուռքից կժամանեն 60-70 պատվիրակներ, որոնց թվում կլինեն Լիբանանի խորհրդարանի հայ պատգամավորներ, լոբբիստական կառույցների ղեկավարներ: Հիշենենք, որ Հայաստանում գործող Սոցիալ-դեմոկրատ հնչակյան կուսակցությունն անդամակցում է ՀԱԿ ընդդիմադիր դաշինքնին: Կքննարկեն ՄԱԿ-ում «Հայ-թուրքական հարաբերությունների կարգավորման հարցը քննարկվելու է ՄԱԿ-ի Գլխավոր ասամբելայի 64-րդ նստաշրջանում». երեկ Նյու Յորքում նման հայտարարություն է արել Թուրքիայի վարչապետ Ռեջեփ Թայիբ Էրդողանը: Էրդողանը երեկ հանդիպել է ԱՄՆ-ում գործող մի շարք հրեական կազմակերպությունների նրկայացուցիչների հետ: Անդրադառնալով Հայաստանի հետ հարաբերությունների թեմային` Էրդողանը նշել է, որ ԵԱՀԿ Մինսկի խումբը լուրջ ներդրում է ունեցել Հայսատանի եւ Թուքիայի միջեւ հարաբերությունների բարելավման գործընթացում: Միաժամանակ նա ԵԱՀԿ ՄԽ համանախագահներին կոչ է արել արագացնել հակամարտության կարգավորման ուղղությամբ քայլերը` մինչ պաշտոնական Անկարակն փորձում է բարելավել հարաբերությունները Երեւանի հետ: Ի դեպ, թուրքական ԶԼՄ-ները երեկ տեղեկացրել են, որ Նյու Յորքում ՄԱԿ-ի ԳԱ նստաշրջանի շրջանակներում նախատեսվում է ՀՀ եւ Թուրքիայի արտգործնախարարների հանդիպումը: Չեն կայացել Երեկ ՀՀ Ֆոնդային բորսայում արտարժույթի առքուվաճառքի որեւէ գործարք չի կայացել, այսինքն` շուկայի մասնակիցների մոտ սպասողական վիճակ է: Սա ուշագրավ է անցած երկու-երեք շաբաթների իրադարձությունների ֆոնին: Առայժմ դժվար է ասել` սա շուկայի հանդարտվելու՞ արդյունք է, թե՞ «լռություն փոթորկից առաջ»: Ճիշտ չեն մեկնաբանել Երեկ «Московский комсомолец» թերթը պաշտոնապես արձագանքնել է ՀՀ նախագահի խոսնակի նախօրեին տարածած հայտարարությանը, թե թերթում տպագրված` Սերժ Սարգսյանի հարցազրույցը կեղծ է եւ լրագրողի հիվանդ երեւակայության արդյունք: Թերթի ղեկավարությունը ներողություն է խնդրել եւ հայտնել, որ հարցազրույցը տպագրվել է նախքան ՀՀ նախագահի նստավայրից թույլտվություն ստանալը, քանի որ հերթապահ խմբագիրը տեղյակ չի եղել, որ լրագրողն այն ուղարկել է եւ պատասխան դեռ չի ստացել: «Արդյունքում տպագրվել են աշխարհաքաղաքական խնդիրների մաին Ս. Սարգսյանի խոսքի`ոչ ճիշտ մեկնաբանված հատվածներ»,- նշված է հայտարարության մեջ: