Քնար Բաբայան «Հայաստանում չի գրանցվել AH1N1 գրիպի որևէ դեպք»,-ասում է Առողջապահության նախարարության պետական հիգիենիկ համաճարակային տեսչության գլխավոր մասնագետ Լիանա Թորոսյանը: Ամբողջ աշխարում  տարածված AH1N1 գրիպի տեսակը, որը ավելի շատ հայտնի է «խոզի գրիպ» անունով`գնալով ավելի է ահագնանում: Այսօր  «Դե ֆակտո» ակումբում թեմայի շուրջ լրագրողների հարցերին պատասխանեց  Լիանա Թորոսյանը: «Դեռևս ընթացիկ տարվա ապրիլ ամսից Առողջապահության համաշխարհային կազմակերպության խորհրդտվությամբ և երկրի նախաձեռնությամբ համաճարակի կանխարգելաման աշխատանքները ուժեղացվել են :Միևնույն ժամանակ  ԱՆ-ում ձևավորվել է այս գործընթացի բոլոր աշխատանքները համակարգող շտաբ, որն էլ  իրավիճակային վերլուծություն է իրականցնում և պարբերաբար թարմացված տեղեկությաններ տեղադրում Առողջապահության նախարարության կայքէջում»,-ասաց Լ.Թորոսյանը: Համաճարակի կանխարգելման միջոցառումների սահմաններում, բանախոսի խոսքերով, ուժեղացրել են ուղևորների  հսկողությունը  պետական սահմանային անցումային կետերում, մասնավորապես,  «Զվարթնոց» և «Շիրակ» միջազգային օդանավակայաններում: Զվարթնոցում  կան երկու ջերմացույց, որի օգնությամբ հնարավոր է հեռավորության վրա ֆիքսել  ուղևորի մարմնի ջերմաստիճանը: Ապրիլից սկսած այդ սարքի միջոցով  հայտնաբերել են վեց ջերմող անձ, որոնք ժամանել էին այն երկրներից, որտեղ առկա է  AH1N1 գրիպի տեսակը: Վերջիններս մեկուսացվել են, տեղափոխվել Նորքի ինֆեկցիոն հիվանդանոց, որից հետո իրականցվել է լաբորատոր հետազոտություն: Արդյունքում համաճարակի դրական դեպք չի արձանագրվել: Կանխարգելիչ միջոցառումների սահմաններում հանրապետության բուժկանխարգելիչ կազմակերպություններում  ուժեղացրել են հսկողությունը գրիպի և սուր շնչառական վիրուսային հիվանդությունների նկատմամբ: Իրականացվում է ամենօրյա մոնիտորինգ, որի տվյալները հայտնվում են պետական հիգիենիկ-համաճարակային տեսչության տարածքային կենտրոններ: Այնտեղից ամփոփելով` տվյալները ներկայցվում է հիվանդությունների վերացման և կանխարգելման կենտրոն: Հակահամաճարակային աշխատանքները ճիշտ կազմակերպելու համար ԱՆ-ը ակտիվ համագործակցում է նաև  այլ գերատեսչությունների բժշկական ծառայությունների հետ` քրեածառայողական, կրթական, զինծառայողական և այլ հիմնարկներ: «Այսօր հանրապետությունում առկա է հակավիրուսային պատրաստուկի  անհրաժեշտ պաշար, որը տրամադրվել է Նորքի ինֆեկցիոն հիվանդանոցին և Պետական հիգիենիկ համաճարակային տեսչության մարզային կենտրոններին: Անհրաժեշտության դեպքում պատրաստուկը կտրամադրվեն մարզային նշանակության հիվանդանոցներին` կասկածելի հիվանդների բուժումն ապահովելու համար»,-ասաց Լ.Թորոսյանը: Անհրաժեշտ քանակությամբ պատրաստուկի պաշարներ և սարքավորումներ ձեռք բերելու համար  ԱՆ-ն սերտ համագործակցում է միջազգային կազմակերպությունների հետ: Բանախոսի հավաստմամբ`միաժամանակ փոխվել է գրիպի համաճարակաբանական ողջ համակարգը: Այսօր Հայաստանում ներդրվում է  գրիպի դեպքային համաճարակաբանական հսկողության համակարգը, որը ենթադրում է հետևյալը. բուժկանխարգելիչ կազմակերպություններ դիմած  կասկածելի հիվանդներից նմուշառում է արվելու և որոշելու են գրիպի տեսակը և ենթատեսակը: Միայն  այս դեպքում, Լ.Թորոսյանի կարծիքով, հնարավոր է իմանալ, թե հանրապետությունում այս սեզոնի ընթացքում գրիպի  հարուցիչի որ տեսակը կամ ենթատեսակն է շրջանառվում: «ԱՆ-ն անընդհատ փոխհամագործակցում է թե Առողջապահության համաշխարհային կազմակերպության, թե Ռուսաստանի Դաշնության  համպատասախան գերատեսչությունների հետ: Վերջին մեր համատեղ քննարկումների ընթացքում պարզեցինք, որ արդեն վերջացել են AH1N1 վիրուսի կանխարգելման նպատակով ստեղծված  պատվաստանյութի սինթեզման  աշխատանքները »,- ասաց Լ.Թորոսյանը` հավելելով, որ   առաջին իսկ հնարավորության դեպքում Հայաստան կներկրվի պատվաստանյութը և կսկսվեն կանխարգելիչ պատվաստումներ խոցելի քանակ կազմող շրջանում: Վերջինս խմբերն արդեն  ընտրված են `առաջնային բժշկական օղակի բուժաշխատողները, շտապօգնության ծառայության աշխատակիցները, հղի կանայք, խրոնիկ հիվանդություններով տառապող անձիք: Տրամադրվող պատվաստանյութը  նախատեսված է 7000 հիվանդի բուժման  համար: Ինչ վերաբերում է AH1N1 գրիպի ախտանիշներին, Լ.Թորոսյանի խոսքերով, այն  շատ նման է սեզոնային գրիպի ախտանիշներին: Տվյալ դեպքում միայն համապատասխան լաբորատոր ուսումնասիրություններից  ու  բժշկական զնումներից հետո միայն կարելի է կողմնորոշվել: Նախարարության կազմում գործում  է ռեֆերենս  վիրուսաբանական լաբորատորիա, որն ի զորու է  AH1N1 գրիպի  վիրուսային լաբորատոր հետազոտություններ  իրականացնել: Համաճարակի մասսայական  դեպքերի գրանցման ժամանակ համապատասխան բուժօգնություն կիրականցնեն նաև Գրիգոր Լուսավորիչ հիվանդանոցը և Էրեբունի բժշկական կենտրոնը: Հիշեցնենք, որ ամբողջ աշխարհում համաճարակային  իրավիճակը շարունակում է լարված մնալ: Առողջապահության համաշխարհային կազմակերպության 2009թ. սեպտեմբերի 18-ի տվյալներով ամբողջ աշխարհում այսօր արձանագրվել է մոտ 300.000  AH1N1 գրիպի  դեպք, որոնցից 3500-ը` մահացու ենլքով: