«Ես մարդ եմ» հարավկովկասյան կինոփառատոնն այս անգամ  կկազմակերպվի Ղարաբաղում սեպտեմբերի 28-ից մինչեւ հոկտեմբերի 7-ը. պրահյան կինոփառատոնում ցուցադրված ֆիլմերը դիտելու հնարավորություն կընձեռվի Ստեփանակերտում, Հադրութում եւ Մարտունու շրջանի Գիշի գյուղում: Ինչպես «Հետքին» տեղեկացրեց Ղարաբաղում կինոփառատոնի համակարգող Ալբերտ Ոսկանյանը, փառատոնի շրջանակներում Ղարաբաղում այս անգամ կցուցադրվի 18 ֆիլմ: Տեղեկացնենք, որ Արցախում «Ես մարդ եմ» հարավկովկասյան կինոփառատոնը կազմակերպվում է 2007թվականից: Միջոցառման շրջանակներում Հարավային Կովկասի տարբեր քաղաքներում եւ գյուղերում ցուցադրվում են տարբեր երկրներում նկարահանված վավերագրական ֆիլմեր: