Տեսանյութեր
Լուսանկարներ
Փարիզում ոստիկանները ցուցարարներերին մեկուսացրել են
Սեդա Գրիգորյան
Ֆրանսիա կատարած իր համահայկական ուղեւորության ընթացքում հոկտեմբերի 2-ին ժամը 15-ին նախատեսված էր Սերժ Սարգսյանի այցը Փարիզի Երեւանյան պուրակ, որտեղ նախագահը պետք է ծաղկեպսակ դներ Կոմիտասի արձանի մոտ: Դեռ մեկ ժամ առաջ արձանին հարող Կանադայի հրապարակում հավաքված էին տարբեր քաղաքական ուժերի ու հայկական կազմակերպությունների անդամներ` սփյուռքահայեր ու հայաստանցիներ, որոնք եկել էին իրենց բողոքն արտահայտելու արձանագրության ստորագրությանը:
Նրանց թիվը հասնում էր մոտ ութ հարյուրի (ըստ որոշ աղբյուրների վկայակոչման): Բոլորը ունեին «Ոչ» գրությամբ պաստառներ:
«Մոռանալ նշանակում է դավաճանել», «Արձանագրությունը ծաղրում է ցեղասպանության հիշատակը», «Աղբամանը` արձանագրությունը», «Ոչ ցեղասպանության հանձնաժողովի ստեղծմանը», «Ոչ, հայ-թուրքական արձանագրությանը, որը դավաճանում է հայ ազգին», «Հայ-թուրքական արձանագրություն. հայ ժողովուրդը վտանգի մեջ է» եւ նմանատիպ այլ պաստառներ ձեռքներին բողոքի ակցիայի մասնակիցները սպասում էին Հայաստանի Հանրապետության նախագահի ժամանմանը:
Նախապես որոշվել էր գետնին նստել, ի նշան բողոքի, եւ մեջքով նախագահին հետ շրջվել, երբ վերջինս կռանար ծաղիկները դնելու:
«Պետք է իրեն հաշիվ տա, որ այստեղ ընդդիմություն ունի: Մեծ արշավ ենք կազմակերպելու եւ պահանջելու ենք նրա հրաժարականը»,-հավաքվածներին հորդորեց ՀՅԴ Արեւմտյան Եվրոպայի թեւի համանախագահ Մուրադ Փափազյանը:
Ժամը 15-ին ցուցարարները պայմանավորվածության համաձայն նստեցին գետնին եւ սկսեցին «Ոչ» վանկարկել: Ակցիային միջամտեցին արձանը շրջապատած ոստիկանները:
Նախ հետ հրեցին հավաքվածներին, իսկ երբ հավաքվածները սկսեցին ընդդիմանալ, ոստիկանները սկսեցին քաշքշել մասնակիցներին, բռնի տեղափոխել արձանի հետեւի մասը: Չէին խնայում տարեցներին ու կանանց:
Մոտ մեկ ժամ տեւած ծեծկռտուքի արդյունքում ցուցարարների մեծ մասը հեռացվեց արձանի շրջակայքից:
«Մենք հավաքվեցինք ասելու ո’չ պրոտոկոլին եւ հանդիպեցինք ոստիկանության դիմադրությանը: Սերժ Սարգսյանը դեռ այդպես էլ այստեղ չէ: Փոխարենը լինի իր ժողովրդի կողքին, փոխարենը փորձի խոսել իր ժողովրդի հետ, նա ոստիկանությանը թույլ տվեց անելու այս կեղտոտ գործը: Սա իսկապես ամոթալի է հանրապետության նախագահի համար»,-նշեց Մուրադ Փափազյանը:
Եվ միայն ժամը 16-ին ժամանեց հանրապետության նախագահը: Սերժ Սարգսյանը շատ կարճ կանգնեց արձանի մոտ, սակայն բողոքի ակցիայի մասնակիցների հետ որեւէ շփում չունեցավ: Հեռվից միայն լսվում էին «Ոչ» եւ «Դավաճան» վանկարկումները:
Նախագահի մեկնումից հետո ֆրանսիացի ոստիկանները դարձյալ հսկում էին նախորդ դարասկզբի Հայոց Ցեղասպանությունը խորհրդանշող Կոմիտասի արձանը: Այս անգամ հսկում էին ծաղիկները:
Ֆրանսիա կատարած իր համահայկական ուղեւորության ընթացքում հոկտեմբերի 2-ին ժամը 15-ին նախատեսված էր Սերժ Սարգսյանի այցը Փարիզի Երեւանյան պուրակ, որտեղ նախագահը պետք է ծաղկեպսակ դներ Կոմիտասի արձանի մոտ: Դեռ մեկ ժամ առաջ արձանին հարող Կանադայի հրապարակում հավաքված էին տարբեր քաղաքական ուժերի ու հայկական կազմակերպությունների անդամներ` սփյուռքահայեր ու հայաստանցիներ, որոնք եկել էին իրենց բողոքն արտահայտելու արձանագրության ստորագրությանը:
Նրանց թիվը հասնում էր մոտ ութ հարյուրի (ըստ որոշ աղբյուրների վկայակոչման): Բոլորը ունեին «Ոչ» գրությամբ պաստառներ:
«Մոռանալ նշանակում է դավաճանել», «Արձանագրությունը ծաղրում է ցեղասպանության հիշատակը», «Աղբամանը` արձանագրությունը», «Ոչ ցեղասպանության հանձնաժողովի ստեղծմանը», «Ոչ, հայ-թուրքական արձանագրությանը, որը դավաճանում է հայ ազգին», «Հայ-թուրքական արձանագրություն. հայ ժողովուրդը վտանգի մեջ է» եւ նմանատիպ այլ պաստառներ ձեռքներին բողոքի ակցիայի մասնակիցները սպասում էին Հայաստանի Հանրապետության նախագահի ժամանմանը:
Նախապես որոշվել էր գետնին նստել, ի նշան բողոքի, եւ մեջքով նախագահին հետ շրջվել, երբ վերջինս կռանար ծաղիկները դնելու:
«Պետք է իրեն հաշիվ տա, որ այստեղ ընդդիմություն ունի: Մեծ արշավ ենք կազմակերպելու եւ պահանջելու ենք նրա հրաժարականը»,-հավաքվածներին հորդորեց ՀՅԴ Արեւմտյան Եվրոպայի թեւի համանախագահ Մուրադ Փափազյանը:
Ժամը 15-ին ցուցարարները պայմանավորվածության համաձայն նստեցին գետնին եւ սկսեցին «Ոչ» վանկարկել: Ակցիային միջամտեցին արձանը շրջապատած ոստիկանները:
Նախ հետ հրեցին հավաքվածներին, իսկ երբ հավաքվածները սկսեցին ընդդիմանալ, ոստիկանները սկսեցին քաշքշել մասնակիցներին, բռնի տեղափոխել արձանի հետեւի մասը: Չէին խնայում տարեցներին ու կանանց:
Մոտ մեկ ժամ տեւած ծեծկռտուքի արդյունքում ցուցարարների մեծ մասը հեռացվեց արձանի շրջակայքից:
«Մենք հավաքվեցինք ասելու ո’չ պրոտոկոլին եւ հանդիպեցինք ոստիկանության դիմադրությանը: Սերժ Սարգսյանը դեռ այդպես էլ այստեղ չէ: Փոխարենը լինի իր ժողովրդի կողքին, փոխարենը փորձի խոսել իր ժողովրդի հետ, նա ոստիկանությանը թույլ տվեց անելու այս կեղտոտ գործը: Սա իսկապես ամոթալի է հանրապետության նախագահի համար»,-նշեց Մուրադ Փափազյանը:
Եվ միայն ժամը 16-ին ժամանեց հանրապետության նախագահը: Սերժ Սարգսյանը շատ կարճ կանգնեց արձանի մոտ, սակայն բողոքի ակցիայի մասնակիցների հետ որեւէ շփում չունեցավ: Հեռվից միայն լսվում էին «Ոչ» եւ «Դավաճան» վանկարկումները:
Նախագահի մեկնումից հետո ֆրանսիացի ոստիկանները դարձյալ հսկում էին նախորդ դարասկզբի Հայոց Ցեղասպանությունը խորհրդանշող Կոմիտասի արձանը: Այս անգամ հսկում էին ծաղիկները:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել