Տեսանյութեր
Լուսանկարներ
Սամցխե-Ջավախք տարածաշրջան էր այցելել Վրաստանի խորհրդարանի խոսնակը
Ա-ԻՆՖՈ լրատվական գործակալությունը հաղորդում է, որ սեպտեմբերի 30-ին Սամցխե-Ջավախք տարածաշրջան էր այցելել Վրաստանի խորհրդարանի խոսնակ Դավիթ Բաքրաձեն:
Դ. Բաքրաձեն նախ հանդիպել էր Նինոծմինդայի շրջանի Մեծ Խանչալի գյուղի բնակիչների հետ , այնուհետեւ այցելել Ախալքալաք:
Ախալքալաքի մունիցիպալիտետի ժողովի պատգամավորների հավաստմամբ խորհրդարանի խոսնակը տեղական ժամանակով ժամը 12-ին պետք է հանդիպում ունենար պատգամավորների հետ, սակայն առանց որեւէ պատճառաբանությունների նշված հանդիպումը տեղի չունեցավ:
Ախալքալաքում Դ. Բաքրաձեն ծանոթացավ Ախալքալաքից Թուրքիայի սահման տանող ավտոճանապարհի շինարարական աշխատանքներին, եւ տեղի պաշտոնյաների հետ մասնակցեց Նինոծմինդայի շրջանից մեծամասնական ընտրակարգով ընտրված Վրաստանի խորհրդարանի պատգամավոր Հենզել Մկոյանի կողմից կազմակերպած ճաշկերույթին:
Սամցխե- Ջավախքի եւ Քվեմո Քարթլիի հայկական հասարակական կազմակերպությունների խորհրդի ներկայացուցիչները խորհրդի կողմից կազմակերպած մի շարք համաժողովների , խորհրդաժողովների ընդունած բանաձեւերի եւ արված հայտարարությունների փաստաթղթերի փաթեթը փոխանցեցին Դ. Բաքրաձեի թիկնապահներից մեկին , քանի որ անհնար էր մոտենալ Վրաստանի խորհրդարանի խոսնակին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել