Տեսանյութեր
Լուսանկարներ
Զարուհի Փոստանջյանը ԵԽԽՎ նստաշրջանի մասին
Քնար Բաբայան
Վերջերս տեղի ունեցած Եվրոպայի խորհրդի խորհրդարանական վեհաժողովի աշնանային չորրորդ նստաշրջանում քննարկված խնդիրների մասին այսօր «Հայացք» ակումբում խոսեց ԵԽԽՎ-ում ՀՀ պատվիրակության անդամ, ԱԺ «Ժառանգություն» խմբակցության պատգամավոր Զարուհի Փոստանջյանը:
Նա նշեց, որ Վեհաժողովի լիագումար նիստը սկսվել է ԵԽԽՎ-ի նախագահի` հայ-թուրքական հարաբերությունների բարելավմանը վերաբերող ողջյունի խոսքով:
«Այս հանգամանքը ևս մեկ անգամ ապացուցում է այն փաստը, որ հայ-թուրքական հավանական բարիդրացիական հարբերությունների հաստատաման հարցը հետին պլան է մղել ԵԽԽՎ-ում Հայաստանի ներքին ժողավրդավարական խնդիրները»,- ասաց պատգամավորը:
Ըստ նրա` Վեհաժողովում առանցքային են եղել բնապահպանությանը, ռուս-վրացական պատերազմից մեկ տարի անց ծագած խնդիրներին, Ռուսաստանի Դաշնությունում և Չեչնիայում մարդու իրավունքների պահպանմանը վերաբերող թեմաները:
Զ. Փոստանջյանի խոսքերով` Մոնիթորինգի հանձնաժողովի նիստում Հայաստանի պարտավորությունների կատարմանն անդրադարձել են միայն վերջին օրը, որը տևել է ընդամենը հինգ րոպե:
«Ես անձամբ ներկա չեմ եղել այդ նիստին: Պրն Դավիթ Հարությունյանը մի քանի նախադասությամբ ներկայացրել է, թե ինչպես է Հայաստանում իրականացվում բանաձևը, նշել է որոշակի առաջընթացի մասին»,- ասաց Զ. Փոստանջյանը:
Լիագումար նիստի ժամանակ պետք է նաև քննարկվեր ԵԽԽՎ-ի մարդու իրավունքների հանձնաժողովի ներկայացված զեկույցը` Թուրքիայում քրիստոնյա փոքրամասնությունների կրոնական իրավունքների, մասնավորապես` հայերի իրավունքների մասին, ինչը նույնպես հանվել է օրակարգից:
ԵԽԽՎ-ում Զ. Փոստանջյանը հանդես է եկել մի շարք առաջարկություններով` առողջ միջավայրի իրավունք ունենալու նպատակով Մարդու իրավունքների Եվրոպական կոնվենցիայի լրացուցիչ արձանագրության ընդունում, որը կսահմանի ուղղակի և հստակ դրությներ` մարդու իրավունքների Եվրոպական կոնվենցիայի համատեքստում:
Դրույթն ընդունվել է ԵԽԽՎ-ի կողմից, որը, բանախոսի հավաստմամաբ, մեծապես կօգնի Թեղուտի պաշտպանության հարցում: «ԵԽԽՎ-ում ներկայացրել եմ Թեղուտի պաշտպանության խնդիրը` չբացառելով անդրսահմանային Դեբեդ գետի աղտոտումը: Խնդիրը հետաքրքրեց մանավանդ Վրաստանի պատվիրակությանը, որոնց հետ հնարավոր է հատագա համագործակցություն»:
Երկրորդ առաջարկը` Քրեական արդարադատության չարաշահումներին վերաբերող բանաձևի նախագիծ է, որի տակ, ըստ պատգամավորի, ստորագրել են ԵԽԽՎ-ի 15 անդամ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել