Հոկտեմբերի 2-ին` ժամը 23.45-ին, «շտապօգնությունից» ոստիկանության Արտաշատի բաժնում ահազանգ է ստացվել, որ Նորաշեն գյուղի իր տանը հայտնաբերվել է 61-ամյա Սոֆիկ Բաբայանի դիակը` բռնության հետքերով: Պարզվել է, որ նույն օրը` ահազանգից մոտ կես ժամ առաջ, Ս.Բաբայանի որդին` 28-ամյա Ռոմիկ Բ.-ն, վիճաբանության ժամանակ խոհանոցային դանակով հարվածել և սպանել է մորը: «Դանակն առգրավված է, Ռոմիկ Բ.-ն կալանավորված: Կատարվում է նախաքննություն»,- տեղեկացնում է ոստիկանության մամլո ծառայությունը: