Նախօրեին ավտովթար է տեղի ունեցել Երեւանում: Ինչպես դեպքի վայրից հայտնում է ֆոտոլրագրող Գագիկ Շամշյանը, ժամը 20:30-ի սահմաններում Սախարովի հրապարակում՝ հրշեջ ծառայության դիմաց, իրար են բախվել «Նիսան» մակնիշի 002 ՏՏ 07 համարանիշի եւ «ԲՄՎ X6» մակնիշի 99 ՌՌ 001 համարանիշի ավտոմեքենաները:

Բարեբախտաբար, զոհեր եւ վիրավորներ չկան:

Դեպքի վայրում, ֆոտոլրագրողի փոխանցմամբ, մինչ ապահովագրական ընկերության ներկայացուցիչների ժամանումը, վարորդները գրեթե երկու ժամ փորձել են ճշտել, թե ով է վթարի մեղավորը:

Լուսանկարները՝ Գագիկ Շամշյանի