Ոստիկանության Կոտայքի բաժնում նախօրեին ահազանգ է ստացվել, որ Ողջաբերդ գյուղի սկզբնամասում` «Չարենցի կամար» հուշարձանից մոտ  500 մ հեռավորության վրա, կնոջ դիակ կա:

Մեկնած օպերատիվ խումբը նշված վայրում՝ ճանապարհի երթևեկելի հատվածից 45 մ հեռու, ձորակում, հայտնաբերել է մոտ 40 տարեկան կնոջ դիակ` պարանոցի շրջանում բռնության հետքերով:

«Հանգամանքները պարզվում են, կատարվում է նախաքննություն»,- տեղեկացնում են ոստիկանության լրատվության վարչությունից: