Վարչապետը կարեւորել է լրագրողի աշխատանքը
Սեպտեմբերի 30-ին ՀՀ վարչապետ Տիգրան Սարգսյանը գրավոր ուղերձ է հղել «Հետքի» խմբագիր Էդիկ Բաղդասարյանին` շնորհավորելով նրան եւ «Հետքի» խմբագրակազմին Նորվեգիայի Լիլեհամեր քաղաքում հետաքննական լրագրության միջազգային մրցանակի արժանանալու կապակցությամբ (http://hetq.am/arm/society/8368/):
Վարչապետը կարեւորել է «լրագրողական անաչառ հետաքննության միջոցով մեր հասարակական, տնտեսական եւ քաղաքական կյանքում առկա խնդիրներն ու արատավոր երեւույթները վեր հանելու, դրանց հասարակական հնչեղություն հաղորդելու` լրագրողի առաքելությունը, որի արդյունքում լուծվում են բարձրացված բազմաթիվ խնդիրներ»:
Կառավարության անունից վարչապետը պատրաստակամություն է հայտնել շարունակել «պետության եւ հասարակության համար օգտակար ու արդյունավետ համագործակցությունը լրագրողների հետ»:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել