«ՉԻ»-ն երեկ տեղեկություններ ստացավ, որ ՀՀ իշխանությունները հրահանգել են ՍԴ անդամ Վալերի Պողոսյանին հանդես գալ հայտարարությամբ և հերքել WikiLeaks-ի կողմից գաղտնազերծված այն փաստաթուղթը, որը վերաբերում է 2008-ի կեղծված նախագահական ընտրությունների բողոքարկմանը ՍԴ-ում:

Փաստաթղթում ներկայացված են 2008-ի մարտի 6-ին ՍԴ անդամ Վալերի Պողոսյանի և ԱՄՆ դեսպանատան աշխատակիցների հանդիպման մանրամասները: Հենց այստեղ է, որ Պողոսյանը պատմել է, թե ինչպես է ՍԴ-ն ՀՀ առաջին նախագահ Լևոն Տեր-Պետրոսյանի բողոքը մերժել միայն Ռոբերտ Քոչարյանի ճնշումների արդյունքում: