ԼՂՀ Նախագահ Բակո Սահակյանը երեկ հանդիպում է ունեցել Երեւանի  կոնյակի գործարանի գործադիր տնօրեն Արա Գրիգորյանի հետ: Ինչպես հայտնում են նախագահի աշխատակազմի տեղեկատվության գլխավոր վարչությունից, հանդիպման ընթացքում քննարկվել են հանրապետությունում խաղողի մթերման հետ կապված հարցեր: Երկրի ղեկավարը կարեւոր է համարել Հայաստանի առաջատար ձեռնարկություններից մեկի հետ փոխշահավետ համագործակցությունը` այն համարելով Արցախում գյուղատնտեսության զարգացման լուրջ խթան: Ի դեպ, Ղարաբաղում խաղողագործությամբ զբաղվողներից շատերն այսօր ունեն խաղողի մթերման խնդիր: Շատ խաղողագործներ արդեն մտածում են` արժե շարունակել խաղողագործությամբ զբաղվելը, թե ոչ: