Տեսանյութեր
Լուսանկարներ
Քաղաքապետը կհովանավորի
Երևանի քաղաքապետ Գագիկ Բեգլարյանն ընդունել է Գերմանական կարմիր խաչի պատվիրակությանը: Հանդիպման մասնակիցները քաղաքապետին ներկայացրել են մայրաքաղաքում իրականացվող բարեգործական ծրագրերը:
Գերմանական կարմիր Խաչը Երևանում իրագործում է «Գթության խոհանոց» ծրագիրը, որը 15 տարի առաջ հիմնադրել է Երևանի պատվավոր քաղաքացի Գերհարդ Մայերը:
ըստ քաղաքապետարանի տարածած հաղորդագրության` սույն ծրագրի ղեկավար Կարլ Հանց-Շայդենը քաղաքապետ Բեգլարյանի հետ հանդիպմանը նշել է, որ հայ-գերմանական համատեղ ջանքերով մինչ օրս կենսագործվել է բարեգործական մի քանի ծրագիր: Նա ներկայացրել է Երևանի Աջափնյակ վարչական շրջանում «Գթության խոհանոց» ծրագրի ընթացքը և ֆինանսական օժանդակություն ակնկալել բարեգործությունը շարունակելու համար:
«Թեպետ մենք մշտապես համագործակցել ենք Երևանի քաղաքապետարանի հետ, սակայն ցանկանում ենք, որ այսուհետ Դուք, պարո՛ն Բեգլարյան, լինեք մեր պատվավոր հովանավորը` ֆինանսավորելով աշխատանքների մի մասը»,- նշել է Կարլ Հանց-Շայդենը:
Երևանի քաղաքապետը գերմանացի հյուրին հայտնել է, որ հետայսու «Գթության խոհանոց»-ի շարունակականությանը կնպաստի նաև Երևանի քաղաքապետարանը:
Նշենք, որ Կարլ Հանց-Շայդենը 2005թ. Գերմանիայում ճանաչվել է «Տարվա մարդ»` Հայաստանին և հայ ժողովրդին ցուցաբերած օգնության համար:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել