Քննարկվել է 2010 թվականի բյուջետային քաղաքականությունը
Երեկ ԼՂՀ Նախագահ Բակո Սահակյանի մոտ տեղի է ունեցել խորհրդակցություն` նվիրված 2010 թվականի բյուջետային քաղաքականության, պետական բյուջեի ծավալի եւ կառուցվածքի հետ կապված հարցերին:
Ինչպես հայտնում են նախագահի աշխատակազմի տեղեկատվության գլխավոր վարչությունից, նախագահը նշել է, որ բյուջետային քաղաքականության հիմքում պետք է ընկած լինի հանրապետության ընդհանուր շահը, տարբեր գերատեսչությունների միջեւ համակարգված աշխատանքը, ռեսուրսների արդյունավետ օգտագործումը եւ օրինականության ամրապնդումը:
Նման մոտեցումը, ըստ նախագահի, հնարավորություն կտա պահպանել տնտեսական աճի տեմպերը եւ ապահովել երկրի շարունակական զարգացումը:
Խորհրդակցությանը մասնակցում էին հանրապետության բարձրաստիճան ղեկավարները եւ իշխանության բոլոր թեւերի ներկայացուցիչները:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել