Նախապես որոշված ժամից 3 ժամ 15 րոպե ուշացումով Ցյուրիխի համալսարանի պատմության թանգարանում, այնուամենայնիվ, ստորագրվեցին հայ-թուրքական արձանագրությունները: Ուշացման պատճառը հայկական պատվիրակությունն էր: Դատելով այն բանից, որ ստորագրման արարողությունից հետո կողմերը հանդես չեկան սպասված հայտարարությամբ, պետք է ենթադրել, որ խնդիրը հենց այդ հայտարարությունն էր, կամ էլ` հայտարարությունները: Քանի որ նաեւ պարզ չէ, թե կողմերը պետք է հանդես գային համատեղ, թե առանձին հայտարարություններով, սրա հետ կապված արդեն հիմա առաջանում են մի քանի հարցեր: Եթե արարողակարգով նախատեսված էին հայտարարությունները, ապա կամ դրանք նախապես չեն հանաձայնեցվել, կամ էլ փոփոխվել են վերջին պահին, ինչի հետ հայկական պատվիրակությունը համաձայն չի եղել: Ինչ է ցանկացել հայտարարել Ահմեդ Դավուդօղլուն, ինչ գաղտնիքներ ունի 3 ժամ 15 րոպեն: