Հայաստանի և Թուրքիայի հավաքականները այս պահին արդեն Աթաթուրքի անվան մարզադաշտում են: Հնչեցին երկու երկրների հիմները: Երբ հնչում էր Հայաստանի հիմնը, թուրք երկրպագուները ամբողջ ընթացքում սուլում էին: Թուրքիայի հավաքականի երկրպագուները շատ ակտիվ են, հատկապես աջ տրիբունայում: Տրիբունայի ձախ մասը հայ երկրպագուներն են զբաղեցրել, սակայն նրանք այնքան քիչ են, որ նրանց վանկարկումները թուրք երկրպագուների սուլոցների տակ չեն լսվում: