Հայաստանի ֆուտբոլի ֆեդերացիայի նախագահ Ռուբեն Հայրապետյանը Հայաստանի հավաքականի պարտությունից հետո լրագրողների հարցին, թե ինչպես է իրեն զգում, պատասխանեց` վատ: «Հետքի» հարցին, թե ինչ է անհրաժեշտ հայ ֆուտբոլիստներին հետագայում ավելի լավ հանդես գալու համար, Ռուբեն Հայրապետյանը պատասխանեց. «Հայ հավաքականին անհրաժեշտ են լավ ֆուտբոլիստներ: Սերնդափոխություն է պետք»: Իսկ լավ ֆուտբոլիստներ ունենալու համար, ըստ Ռ. Հայրապետյանի, համբերություն է հարկավոր: Ռուբեն Հայրապետյանի տեղեկություններով, երկու երկրների հավաքականների` Բուրսայում հանդիպելու որոշումը քաղաքական է եղել: «Խի դուք չգիտեք, որ Ստամբուլում ժողովուրդը բունտ արեց, ասեց` չենք թողնելու, վտանգավոր է: Նույնը` Կեսարիայում: Այստեղ հեշտ էր պահելը»,- ասաց Ռուբեն Հայրապետյանը: