Տեսանյութեր
Լուսանկարներ
Սեյրան Օհանյանը ընդունել է Չինաստանի դեսպանին
Այսօր պաշտպանության նախարար Սեյրան Օհանյանն ընդունել է Հայաստանում Չինաստանի Ժողովրդավարական Հանրապետության արտակարգ և լիազոր դեսպան Հուն Ցզիուին: Հանդիպումն իրականացվել է պաշտպանության նախարարի նախաձեռնությամբ:
Զրույցի ընթացքում Ս. Օհանյանը շնորհակալությունն է հայտնել ՉԺՀ քաղաքական և ռազմական ղեկավարությանը` 2006-2008 թթ. ստորագրված համաձայնագրերի իրականացման շրջանակներում Հայաստանին սեպտեմբեր ամսին տրամադրված մարդասիրական օգնության համար:
Ըստ ՊՆ մամլո ծառայության` Ս. Օհանյանն ընդգծել է նաև, որ երկու երկրների փոխադարձ հասկացողության և բարձր քաղաքական երկխոսության վրա հիմնված համագործակցությունը շարունակում է զարգանալ ինչպես ռազմական, այնպես էլ հասարակական, տնտեսական և մշակութային տարբեր ոլորտներում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել