Երևանում տեղական ինքնակառավարման կայացմանն ու զարգացմանը նպաստելու և Երևան քաղաքին ազնվորեն ծառայելու համար Նորք-Մարաշ վարչական շրջանի ղեկավար Վարազդատ Մկրտչյանին Երևանի ավագանին շնորհել է «Երևանի պատվավոր քաղաքացի» կոչում: Այդ մասին որոշումը,   40 կողմ և 6 ձեռնպահ (6-ն էլ ԲՀԿ-ից) ձայների հարաբերակցությամբ, ընդունվել է  Երևան քաղաքի ավագանու այսօրվա նիստում:   Ավագանու միաձայն քվեարկությամբ որոշվել է  ժողովրդական արտիստուհի, ՀՀ պետական մրցանակի դափնեկիր Ամալյա Արազյանի հիշատակը հավերժացնող հուշատախտակ  տեղադրել Մաշտոցի պողոտայի 48-րդ շենքի ճակատային հատվածում: Այս մասին հայտնում է Երևանի քաղաքապետարանի մամուլի ծառայությունը: