Երևան քաղաքի ավագանու այսօրվա քննարկմանը ներկայացված մեկ այլ խնդիր առնչվում էր Երևանում արտաքին գովազդ տեղադրելուն: Խնդիրն առավել արդյունավետ և սեղմ ժամկետներում կարգավորելու նպատակով Երևանի ավագանին որոշեց Երևանի վարչական շրջանների ղեկավարներին պատվիրակել Երևանի քաղաքային նշանակության գովազդային գոտում (քաղաքային նշանակության փողոցներում և դրանց անմիջապես հարող տարածքներում, ինչպես նաև քաղաքային նշանակության հրապարակներում և այգիներում)` արտաքին գովազդ տեղադրելու թույլտվություն տալու լիազորություն, որի իրականացումը կվերահսկի Երևանի քաղաքապետը: Այս մասին տեղեկացնում է Երևանի քաղաքապետարանի մամուլի ծառայությունը: