Արմեն Դարբինյանն ու Արա Հարությունյանը քննարկել են համագործակցության հարցեր
ԼՂՀ վարչապետ Արա Հարությունյանն այսօր ընդունել է Հայ-ռուսական (սլավոնական) համալսարանի ռեկտոր, ՀՀ նախկին վարչապետ Արմեն Դարբինյանին եւ նրան ուղեկցող անձանց: Ինչպես հայտնում են կառավարության տեղեկատվության եւ հասարակայնության հետ կապերի վարչությունից, նրանք Արցախ են ժամանել` ծանոթանալու հայկական երկրորդ հանրապետությունում տիրող սոցիալ-տնտեսական իրավիճակին եւ ճշտելու մի շարք ծրագրերի` իրենց մասնակցության հեռանկարները:
Վարչապետը ներկայացրել է պետական այն միջոցառումները, որ այժմ իրականացվում են տնտեսության տարբեր ճյուղերում: Արմեն Դարբինյանը պատրաստակամություն է հայտնել` օժանդակելու, մասնավորապես, փոքր ու միջին բիզնեսի, ագրարային, բարձր տեխնոլոգիաների ոլորտներում արտասահմանյան ներդրումների ու ժամանակակից մեխանիզմների ապահովման գործում: Ընդգծվել է Արցախում ցածր տոկոսադրույքներով վարկային նոր ռեսուրսների ներգրավման անհրաժեշտությունը:
Հանդիպմանը մասնակցում էին ԼՂՀ տնտեսական զարգացման նախարար Բ.Բաբայանը, ՀՀ ֆինանսների եւ էկոնոմիկայի նախկին նախարար Էդ. Սանդոյանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել