Նախօրեին անձը չպարզված քաղաքացուց Հայաստանի փրկարար ծառայությունում ահազանգ է ստացվել, որ Երեւանի Արտաշիսյան փողոցի 44/3 շենքի թիվ 24 բնակարանի բնակիչը բնակարանում վայր է ընկել, եւ դուռը բացելու համար անհրաժեշտ է փրկարարների օգնությունը: «Դեպքի վայր մեկնած փրկարարները հարազատների ներկայությամբ բացել են բնակարանի դուռը, որտեղ հայտնաբերվել է անգիտակից վիճակում գտնվող, 1936 թ. ծնված Աննա Վարդանյանը: Առաջին բուժօգնություն ստանալուց հետո տուժածը հանձնվել է շտապօգնության ծառայության աշխատակիցներին»,- տեղեկացնում է ՀՓԾ մամլո գրասենյակը: