Լոռու եւ Տավուշի մարզային վարչությունների եւ ենթակա բաժինների կողմից 2009 թ. 9 ամիսների ընթացքում հայտնաբերվել է ապօրինի ծառահատման 167 դեպք։ Անտառահատումների 167 դեպքից 125-ը հայտնաբերվել է Տավուշի մարզում, իսկ 42-ը՝ Լոռվա բնաշխարհում։ Անտառահատումների հեղինակներից 8-ի նկատմամբ հարուցվել են քրեական գործեր, իսկ ութ տասնյակից ավելին ենթարկվել են վարչական պատասխանատվության։ «Ապօրինի անտառահատումների հետեւանքով պետությանը պատճառվել է մոտ 30 միլիոն դրամի նյութական վնաս, որի գերակշիռ մասը վերականգնվել է»,- տեղեկացնում է ոստիկանության մամլո ծառայությունը։