Նախօրեին` ժամը 10.31-ին  «1-03» ծառայությունից Փրկարար ծառայությունում ահազանգ է ստացվել, որ Երեւանի Հրազդանի կիրճում` Դավթաշենի կամրջին հարակից տարածքում, կա տարեց, անօգնական վիճակում գտնվող մարդ, որին դուրս բերելու համար անհրաժեշտ է փրկարարների օգնությունը: Դեպքի վայր մեկնած փրկարարները մոտ 20 մ խորությունից դուրս են բերել 1946 թ. ծնված Մկրտիչ Հարությունյանին, որը տեղափոխվել է «Արմենիա» բժշկական կենտրոն: «Ըստ բժիշկների` տուժածի վիճակը բավարար է: Միաժամանակ վերջինիս մոտ առկա են հոգեկան հիվանդության նշաններ»,- հայտնում են ՀՓԾ մամլո գրասենյակից: