Եվրամիության երկրները համաձայնության են եկել անօրինական միգրանտներին հայրենիք արտաքսել համատեղ կազմակերպած չարտերային չվերթներով: Ինչպես փոխանցում է «Ռիա Նովոստի» գործակալությունը, հղում անելով RTL հեռուստաընկերությանը, ԵՄ 27 պետությունների առաջնորդները Ներքին սահմանները հսկող Եվրոպական գործակալությանը հանձնարարել են ուսումնասիրել պարբերաբար իրականացվող չարտերային չվերթներով միգրանտներին հայրենիք ուղարկելու հնարավորությունները գործակալության բյուջեի հաշվին: Համաձայն հաղորդագրության`  որոշ եվրոպական երկրներ, օրինակ, Մեծ Բրիտանիան և Ֆրանսիան, արդեն համատեղ փորձեր են կատարում միգրանտներին հայրենիք ուղարկելու ուղղությամբ: Սակայն, RTLի փոխանցմամբ, նմանատիպ արտաքսումները հակասում են մի շարք միջազգային փաստաթղթերի պահանջներին, ըստ որոնց` դրանք բնութագրվում են որպես մարդու իրավունքների խախտում: