Այսօրվա նիստում կառավարությունը այս տարվա պետբյուջեում կատարել է վերաբաշխում` 3 մլն 100 հազար դրամ հատկացնելով Մեղրու տարածաշրջանի գյուղատնտեսությունը զարգացնելու եւ բնակչության կողմից անհատական ոռոգման պոմպերով օգտագործած էլեկտրաէներգիայի արժեքը փոխհատուցելու, ինչպես նաեւ 13 մլն 200 հազար դրամ` օգտագործվող ոռոգման ջրի դիմաց գանձվող վարձավճարների նկատմամբ 2009 թ. համար 50 տոկոս զեղչ կիրառելու նպատակով։ Գործադիրը նաև որոշել է Սյունիքի մարզի Տեղ գյուղի ջրամատակարարման համակարգի բարելավման աշխատանքների եւ մրցույթների արդյունքում տնտեսված գումարների հաշվին վերականգնել նաեւ հարեւան Արավուս գյուղի խմելու ջրի մատակարարման համակարգը։