Նոյեմբերի 2-ին «Գենիաֆարմ» դեղատան վաճառող-դեղագետ, 41-ամյա Արմեն Ջ.-ն դիմել է ոստիկանության Էրեբունու բաժին և հայտնել, որ նախորդ օրը` ժամը 20.10-ի սահմաններում, դիմակավորված և ատրճանակով ու դանակով զինված երեք անհայտ անձինք մուտք են գործել դեղատուն, իր կյանքի և առողջության համար վտանգավոր բռնություն գործադրելու սպառնալիքով դրամարկղից հափշտակել 40 հազար դրամ, մեկ տուփ մանկական տակդիր ու դիմել փախուստի: «Կատարվում է նախաքննություն»,- հաղորդում է ոստիկանության կայքէջը: