Օրերս տեղի է ունեցել ԼՂՀ Հադրութի շրջանի Հակակու գյուղի դպրոցի բացման արարողությունը:  Դպրոցը վերակառուցվել է պետական միջոցներով: Ավելի քան 110 մլն դրամ է հատկացվել կրթօջախը ժամանակակից տեսքի բերելու համար: Կառավարության աշխատակազմի տեղեկատվության եւ հասարակայնության հետ կապերի վարչության տեղեկատվության համաձայն, դպրոցի բացման արարողությանը ներկա էին ԼՂՀ վարչապետ Արա Հարությունյանը, կրթության եւ գիտության նախարար Վլադիկ Խաչատրյանը, պետական այլ պաշտոնյաներ: Հակակու գյուղում ներկայումս բնակվում է 35 ընտանիք: 9-ամյա դպրոցն ունի 43 աշակերտ, իսկ գյուղի դպրոցահասակ 3 երեխաներ հաճախում են հարեւան Թաղուտ եւ Տող գյուղերի դպրոցները: