Նախագահ Սերժ Սարգսյանն այսօր ներկա է գտնվել «Ամերիա» բանկի Երեւանում գտնվող գլխամասային մասնաշենքի բացման արարողությանը: Նախագահը շրջել է նորակառույց մասնաշենքում, ծանոթացել նորագույն տեխնոլոգիական միջոցներով բանկային բարձրակարգ ծառայությունների մատուցման գործընթացին: Ըստ նախագահի մամլո ծառայության` «Ամերիա»-ի տնօրենների խմբի նախագահ Ռուբեն Վարդանյանը երկրի ղեկավարին համառոտ ներկայացրել է բանկի զարգացման ծրագրերը: Սերժ Սարգսյանը հաջողություն է մաղթել բանկի ղեկավարությանն ու աշխատակազմին նախանշված ծրագրերի իրականացման գործում: