Տեսանյութեր
Լուսանկարներ
Արցախի պետհամալսարանը 40 տարեկան է
Երեկ Ստեփանակերտի մշակույթի եւ երիտասարդության պալատում հանդիսավորությամբ նշվեց Արցախի պետական համալսարանի 40-ամյակը, որին մասնակցում էին նաեւ Հայաստանից Ստեփանակերտ ժամանած մի խումբ գիտնականներ եւ ակադեմիկոսներ:
Նրանց երեկ ընդունել է նաեւ նախագահ Բակո Սահակյանը, ով երախտագիտություն է հայտնել նրանց ԼՂՀ Նախագահի հրավերն ընդունելու համար եւ նշել, որ այդ հրավերի նպատակը Հայաստանի գիտակրթական հաստատությունների հետ համագործակցության նոր ծրագրի մշակումն է: Միաժամանակ Նախագահն ընդգծել է ծրագրի մանրակրկիտ պատրաստման եւ դրա հետեւողական իրագործման կարեւորությունը:
Բակո Սահակյանը նույնպես մասնակցել է երեկվա հանդիսավոր միջոցառմանը, որի ընթացքում պետական պարգեւներ է հանձնել ԱրՊՀ մի խումբ դասախոսների:
Արցախի պետական համալսարանի 40-ամյա հոբելյանի կապակցությամբ բուհի պրոֆեսորա-դասախոսական կազմի մի խումբ ներկայացուցիչներ պարգեւների են արժանացել նաեւ վարչապետ Արա Հարությունյանի որոշմամբ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել