«Խոզի» գրիպով վարակի հետագա ներբերման և տարածման կանխարգելմանն ուղղված հակահամաճարակային միջոցառումները Հայաստանում շարունակվում են: Ինչպես «Հետքին» փոխանցեցին Առողջապահության նախարարության մամլո ծառայությունից, երեկվա դրությամբ Հանրապետությունում H1N1 վիրուսով հարուցված գրիպի նոր դեպքեր չեն արձանագրվել: Հիշեցենք, որ մեր երկրում առ այսօր գրանցվել է H1N1 վիրուսով վարակվածների 15 դեպք, որոնցից ոչ մեկի մոտ հիվանդության ծանրության աստիճանը բարձր չէ: