Հոկտեմբերի 29-30-ը Թբիլիսիում կայացած «ՏՏ Իննովացիոն մրցանակաբաշխություն 2009» տարածաշրջանային միջոցառմանը «Սփյուռի» կողմից ներկայացված CD-հրատարակումը արժանացել է գլխավոր մրցանակի՝ «Գործարարության աջակցման լավագույն լուծում» (“The Best B2B Solution”) անվանակարգում: Մրցանակաբաշխությունը անցկացվել էր Ինֆորմացիոն տեխնոլոգիաների տարածաշրջանային համաժողովի (Georgian IT Innovation Conference) շրջանակներում, որին մասնակցում էր ավելի քան 50 ընկերություն՝ ԱՊՀ, Արևելյան Եվրոպայի և Բալթյան երկրներից: Մրցանակաբաշխության 12 անվանակարգերից 4-ում գլխավոր մրցանակը շնորհվեց հայկական ընկերությունների.

• «ՍՓՅՈՒՌ» ՏԵՂԵԿԱՏՎԱԿԱՆ ԿԵՆՏՐՈՆԻՆ` «Գործարարության աջակցման լավագույն լուծում» անվանակարգում` "Armenia Business Directory and Yellow Pages" CD-հրատարակման նախագծի համար

• «ՆՈՐՔ» ՏԵՂԵԿԱՏՎԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻՆ` «Լավագույն ՏՏ նախագիծ» անվանակարգում` "ID cards and e-Signature System" նախագծի համար

• «ՍԹՐԱԹԵՋԻՔ ՓԱՐԹՆԵՐՍ»-ԻՆ` «Տարվա լավագույն ինտեգրատոր» և «Լավագույն մուլտիմեդիա նախագիծ» անվանակարգերում` "www.Hayland.am" նախագծի համար

Հայկական ընկերությունների մասնակցությունն ապահովում էր Ինֆորմացիոն տեխնոլոգիաների ձեռնարկությունների միությունը (ԻՏՁՄ)` USAID/CAPS-ի օժանդակությամբ: Այս մասին հայտնում է հասարակայնության հետ կապերի բաժինը: