Մարդու իրավունքների պաշտպան Արմեն Հարությունյանի կողմից ստեղծված աշխատանքային խումբն այսօր այցելել է դատապարտյալների կենտրոնական հիվանդանոցում գտնվող «Սասուն» ջոկատի հրամանատար Սասուն Միքայելյանին, ում առողջական վիճակը վերջերս կտրուկ վատացել էր: «Հետքի» հետ զրույցում Մարդու իրավունքների պատշպանի մամուլի քարտուղար Գրիգորի Գրիգորյանցը նշեց, որ քանի որ այսօր շաբաթ օր է, հաստատության բժշկական հանձնաժողովի ներկայացուցիչները, ղեկավարությունը տեղում չեն եղել, և օմբուդսմենի կողմից ստեղծված աշխատանքային խմբի ներկայացուցիչները խոսել են հերթապահ բժշկի հետ, ով այդքան էլ չի տիրապետել Սասուն Միքայելյանի առողջական վիճակին: «Հավանաբար երկուշաբթի օրը պաշտպանի կողմից միջնորդություն կներկայացվի Արդարադատության նախարարին, որպեսզի բժշկական հետազոտություն անցկացնեն և անհրաժեշտության դեպքում Ս. Միքայելյանին տեղափոխեն քաղաքացիական հիվանդանոց»,- նշեց Գ. Գրիգորյանցը: