«Հրապարակ». ստիպում են ՀՀԿ անդամ դառնալ
Անցած շաբաթ օրը Տիգրան Սարգսյանն Արմավիրի մարզում էր, որտեղ Հանրապետական կուսակցությանն անդամագրումների հերթական տոնակատարությունն էր, և անդամատոմսերը կրկին հանձնում էր անձամբ վարչապետը:
Արմավիրի բնակիչները պատմում են, որ նախապես մարզպետարանից քվոտաներ էին իջեցվել մարզային ենթակայության կառույցներին, հատկապես դպրոցներին: Յուրաքանչյուրում տնօրենը հավաքել է աշխատակազմին և առաջարկել, որ որոշեն, թե ովքեր են այն անձնազոհները, որոնք պետք է անդամագրվեն ՀՀԿ-ին: Մեծ վիճաբանությունների արդյունքում ընտրել են թեկնածուներին և անունները փոխանցել մարզպետարանին:
Սակայն անդամատոմսերի հանձնման հանդիսավոր արարողության ժամանակ ներկաներից մեկը նկատել է, որ այն արկղը, որտեղից վարչապետը հանել և հանձնել է տոմսերը, վերջում կիսով չափ է դատարկվել: Այսինքն՝ եղել են մարդիկ, որոնց անուններով անդամատոմսեր են պատրաստվել, սակայն տերերը չեն եկել դրանք ստանալու:
Մեկնաբանություններ (1)
Մեկնաբանել