Այսօր Երևան կժամանի և մինչև դեկտեմբերի 3-ը Հայաստանում կգտնվի ֆրանսահայ ռեժիսոր Ռոբեր Գեդիկյանը` իր «Ոճրագործության բանակ» (L’armռe du crime) ֆիլմի հայաստանյան պրեմիերայի առիթով: Ֆիլմը ներկայացնում է Երկրորդ համաշխարհային պատերազմի ժամանակ ֆրանսիական Դիմադրության շարժման մասնակից Միսակ Մանուշյանի և իր պարտիզանական խմբի պատմությունը: Այն կցուցադրվի Երևանում` Մոսկվա կինոթատրոնում, նոյեմբերի 29-ին (հայերեն թարգմանությամբ) և դեկտեմբերի 1-ին (ֆրանսերեն բնագրով), Ուջան գյուղում (Շիրակի մարզ) նոյեմբերի 28-ին և Գյումրիում նոյեմբերի 30-ին: Նոյեմբերի 27-ին Հայաստանում Ֆրանսիայի դեսպանատանը տեղի կունենա ռեժիսոր Գեդիկյանի մամլո ասուլիսը: Ինչպես տեղեկացնում են Հայաստանում Ֆրանսիայի դեսպանատան մամլո ծառայությունից, ասուլիսին կմասնակցեն նաև ֆիլմի դերակատարներ Արիան Ասկարիդը և Սերժ Ավեդիկյանը, ինչպես նաև ֆիլմի տնօրեն Մալեկ Համզաուին: