Այսօրվա դրությամբ Հայաստանի քրեակատարողական հիմնարկներում (ՔԿՀ) անազատության մեջ են 113 օտարերկրյա քաղաքացի, որոնցից 45-ը` Ռուսաստանի Դաշնության քաղաքացի են, 26-ը` Իրանի Իսլամական Հանրապետության, 25-ը` Վրաստանի, 6-ը` Ռումինիայի: Մեր երկրի ազատազրկման վայրերում գտնվում են նաև Ուկրաինայի, Ֆրանսիայի, Լիբանանի և Թուրքմենստանի երկուական քաղաքացիներ, ինչպես նաև մեկական քաղաքացիներ Նիդերլանդների Թագավորությունից, Աֆղանստանից և Ուզբեկստանից: Ըստ Քրեակատարողական վարչության Հասարակայնության հետ կապերի բաժանմունքի պետ Արսեն Բաբայանի հաղորդած տվյալների` արդեն դատապարտված Իրանի 17 քաղաքացիներից 12-ը մեղավոր են ճանաչվել իրենց երկրից Հայաստան թմրամիջոցներ ներմուծելու համար: