Տեսանյութեր
Լուսանկարներ
Դանիել Վարուժանի ծննդյանը նվիրված միջոցառում` Բելգիայում
Բելգիայի ֆլամանդական Գենտ քաղաքի համալսարանում, որտեղ ուսանել է Դանիել Վարուժանը, նախօրեին տեղի է ունեցել հայ ականավոր դասականի ծննդյան 125-ամյակին նվիրված միջոցառում:
Համալսարանի գրադարանում, որտեղ փակցված է Դանիել Վարուժանի հուշատախտակը, ուսանողներին, հայ համայնքի ներկայացուցիչներին, Հայաստանի դեսպանին ողջույնի խոսքով դիմել է գրադարանի տնօրեն դոկտոր Պետենգհեմը՝ շեշտելով ազգային գրականության դերը համամարդկային արժեքների ձևավորման ընթացքում:
Դասականի ճակատագիրը ներկայացրել է Գենտի հայկական բարեգործական դպրոցի տնօրեն էլիզա Ատաջյանը:
Ինչպես հայտնում են ՀՀ ԱԳՆ մամլո ծառայությունից, դեսպան Ադոնցը շնորհակալություն է հայտնել համալսարանի ղեկավարությանը միջոցառումը հյուրընկալելու, համընդհանուր եվրոպական արժեքների համակարգում հայ գրականության տիտանին ընկալելու և գնահատելու համար:
Միջոցառումը շարունակել են Գենտի հայկական դպրոցի աշակերտները՝ Դանիել Վարուժանի ստեղծագործությունների ընթերցանությամբ:
Միջոցառումը կազմակերպել էին Բրյուսելում Հայաստանի դեսպանությունը և Գենտի «ԷԱԿ» հայկական բարեգործական կազմակերպությունը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել