Նազիկ Ավդալյանը երկամարտի 266 կգ արդյունքով Կորեայում անցկացվող ծանրամարտի աշխարհի առաջնությանը նվաճել է չեմպիոնի կոչումը: Ավելին` մեծ ոսկե մեդալից բացի, Նազիկ Ավդալյանը գեղեցիկ ոճով նվաճել է նաեւ երկու փոքր ոսկե մեդալները` պոկում եւ հրում վարժություններում: Հայ մարզուհին աշխարհի առաջնությունում Հայաստանի հավաքականին պարգևել է առաջին ոսկե մեդալը, որը, ընդհանուր հաշվարկով, երրորդ մեդալն էր: Մինչ այդ Հայաստանի հավաքականը երկու մեդալ էր նվաճել տղամարդկանց մրցաշարում՝ երկուսն էլ արծաթե: Օլիմպիական մարզաձևերում Հայաստանը Աշխարհի չեմպիոն ունեցել է 7, իսկ ծանրամարտում՝ 18 տարի առաջ: