Պաշտպանության նախարար Սեյրան Օհանյանն աշխատանքային այցով այսօր եղել է ՊՆ ռազմական ոստիկանության հատուկ նշանակության գումարտակում: Այցի շրջանակում նախարարը ծանոթացել է գումարտակի խնդիրներին ու գործառույթներին, անձնակազմի համալրվածությանը և ծառայողական պայմաններին, ինչպես նաև հրամկազմի հետ քննարկել է զորամասում շինարարական աշխատանքներ իրականացնելուն առնչվող խնդիրներ: ՊՆ մամուլի ծառայության փոխանցմամբ` աշխատանքային այցի ավարտին հատուկ նշանակության ստորաբաժանումները ցուցադրական մարտական վարժանքների միջոցով պաշտպանության նախարարին ներկայացրել են իրենց մարտավարամասնագիտական հմտություններն ու կարողությունները: Սեյրան Օհանյանը բարեխիղճ ծառայությամբ աչքի ընկած մի խումբ զինծառայողների հանձնել է խրախուսական նվերներ: