Տեսանյութեր
Լուսանկարներ
«Ոստիկաններն աչալուրջ հսկում են, բայց չեն խոչընդոտում»
Այսօր կեսօրին մոտ 20 երիտասարդ ակտիվիստներ եւ Ազգային Ժողովի պատգամավոր Զարուհի Փոստանջյանը բողոքի գործողություններ կիրականացնեն Աբովյան, Նոր Հաճն, Հրազդան եւ Չարենցավան քաղաքներում` ընդդեմ «տիրող բռնապետական ռեժիմի, հայ-թուրքական արձանագրությունների եւ «մադրիդյան սկզբունքների»»,- նշված է նրանց տարածած հայտարարության մեջ:
Բողոքի ակցիաների մշտական մասնակից Հրայր Սավզյանը «Հետքի» հետ զրույցում ասաց, որ մարզերում ոստիկանությունն աչալուրջ հետեւում է իրենց գործողություններին. «Զգացվում է, որ Ազգային անվտանգության ծառայության աշխատակիցները նույնպես մեզ հսկում են, բայց ի տարբերություն Երեւանի` մարզերի ակցիաները չեն խոչընտոդում»:
Հրայրի խոսքով` մարզաբնակներից շատերն են հետաքրքրված բողոքի գործողություններով:
«Մարդիկ ինֆորմացիայի պակաս ունեն, մեր տարած թռուցիկները շատ արագ սպառվում են: Շատերը գալիս եւ մեզ են միանում, կարծում եմ` այս այցելությունները շատ կարեւոր են»,- ասում է երիտասարդ ակտիվիստը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել