Վաղը` դեկտեմբերի 6-ին, Մալաթիա-Սեբաստիայի թիվ 8 եւ Հրազդանի թիվ 25 ընտրատարածքներում կանցկացվեն Ազգային ժողովի պատգամավորների լրացուցիչ ընտրություններ: Երկու ընտրատարածքներում էլ առաջադրվել են մեկական թեկնածուներ` թիվ 8-ում` անկուսակցական Կորյուն Նահապետյանը եւ թիվ 25-ում «Բարգավաճ Հայաստան» կուսակցությունը ներկայացնող Մխիթար Հարությունյանը:

Կենտրոնական ընտրական հանձնաժողովի մամուլի քարտուղար Տաթեւ Օհանյանը «Հետքին» հայտնեց, որ երկու ընտրատարածքներում դիտորդական առաքելություն իրականացնելու համար գրանցվել է միայն «Կայունություն դաշինք կամավորականների միությունը»` 32 դիտորդով: