Երեկ Մալաթիա Սեբաստիա վարչական տարածքի 8-րդ ընտրատարածքում անցկացվել են պատգամավորության լրացուցիչ մեծամասնական ընտրություններ: Ըստ նախնական տվյալների` գրանցված միակ անկուսակցական թեկնածու 38-ամյա Կորյուն Նահապետյանը ստացել է 8382 «կողմ» եւ 132 «դեմ» ձայներ: Տեղական ընտրատարածքային հանձնաժողովներին հատկացված 61 հազար քվեաթերթիկներից օգտագործվել է ընդամենը 8 հազար 706-ը: Նշենք, որ 8-րդ ընտրատարածքում լրացուցիչ ընտրություններ անցկացվեցին այստեղից պատգամավոր ընտրված Հակոբ Հակոբյանի լիազորությունները դադարեցնելու պատճառով: