![Qocharyan-Enoqyan Qocharyan-Enoqyan](https://hetq.am/wp-content/uploads/2009/12/Qocharyan-Enoqyan.jpg)
Այսօր «Հետք»-ին ՀՀ ոստիկանությունից տեղեկացրին, որ «Նուբարաշեն» քրեակատարողական հիմնարկից փախուստի դիմած ցմահ դատապարտյալներ Սողոմոն Քոչարյանը և Մհեր Ենոքյանը դեռ չեն հայտնաբերվել, որոնողական աշխատանքները շարունակվում են:
Ինչպես «Հետք»-ը տեղեկացրել էր` դեկտեմբերի 5-ին իրավապահները տեղեկություններ ունեին, որ «Նուբարաշեն» քրեակատարողական հիմնարկից փախուստի դիմած ցմահ դատապարտյալները գտնվում են Կորեայի ձորի սեփական տներից մեկում, որտեղ կատարվել են որոնողական աշխատանքներ, սակայն Սողոմոն Քոչարյանը և Մհեր Ենոքյանը չեն հայտնաբերվել:
Հիշեցնենք, որ Մհեր Ենոքյան-Սողոմոն Քոչարյան զույգն իր առաջին փախուստը գործել էր 5 տարի առաջ` 2004 թ. դեկտեմբերի 9-ի լույս 10-ի գիշերը, բայց մոտ մեկ ամիս անց իրավապահները նրանց հայտնաբերել էին և տեղափոխել «Նուբարաշեն» ՔԿՀ, որտեղից նրանք փախել էին այս տարվա նոյեմբերի 27-ին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել