Ինչպես տեղեկացվել էր, դեկտեմբերի 6-ին անհայտ ավտոմեքենայի վարորդը Ե. Քոչարի փողոցի թիվ 17 շենքի մոտ վրաերթի էր ենթարկել Հայ գրողների միավորման նախագահ Հովհաննես Մելքոնյանին, ով մարմնական վնասվածքներով տեղափոխվել էր «Էրեբունի» բժշկական կենտրոն և այնտեղ գիտակցության չգալով` մահացել: Ինչպես հայտնում է ոստիկանության մամուլի ծառայությունը, ոստիկանության Կենտրոնական բաժնի և ճանապարհատրանսպորտային հանցագործությունների քննության բաժնի ծառայողների կողմից իրականացրած միջոցառումների արդյունքում պարզվել է, որ վրաերթը «ՎԱԶ-21213» մակնիշի ավտոմեքենայով կատարել է Երևանի բնակիչ, 1991 թ. ծնված Նարեկ Պետրոսյանը: Կատարվում է նախաքննություն: