Կրթության եւ գիտության փոխնախարար Մանուկ Մկրտչյանը քիչ առաջ «Հայելի» ակումբում հայտնեց, որ հանրակրթական դպրոցները հունվարից պետք է լրացնեն դեկտեմբերի 8-ից 19-ը ներառյալ արձակուրդների ժամաքանակները: Մասնավորապես` 5-օրյա գրաֆիկով աշխատող դպրոցները կդառնան 6-օրյա, իսկ 6-օրյա դպրոցները կավելացնեն դասաժամերը: Փոխնախարարի խոսքով` դպրոցական ծրագրերը պետք է ավարտին հասցվեն, հնարավոր է, որ դա արվի գարնանային արձակուրդների հաշվին: Հիշեցնենք, որ H1N1` «խոզի գրիպի» պատճառով Կրթության եւ գիտության նախարար Արմեն Աշոտյանը որոշում էր ընդունել հանրակրթական եւ նախակրթական ուսումնական հաստատություններում դադարեցնել աշխատանքները դեկտեմբերի 8-ից մինչեւ 19-ը ներառյալ: