ԼՂՀ Ազգային վիճակագրական ծառայության տվյալներով, նոյեմբեր ամսին Ղարաբաղում ծնվել է 204 երեխա` 2008թ. նոյեմբերին ծնված 193 երեխայի փոխարեն: Մահացածների թիվը կազմել է 97 մարդ` 2008թ. նոյեմբերին մահացած 114 մարդու փոխարեն: Նոյեմբեր ամսում գրանցվել է նաեւ ամուսնությունների աճ. գրանցվել է 117 ամուսնություն` 2008թ. նոյեմբերին գրանցված 56 ամուսնության փոխարեն: Ամուսնալուծվողները 12-ն էին` նախորդ տարվա նույն ժամանակահատվածի` 7-ի փոխարեն: Աշնան վերջին ամսում Ղարաբաղ են այցելել 99 հոգի` նախորդ տարվա նույն ժամանակաշրջանի 74-ի փոխարեն: Մեկնողների թվաքանակը կազմել է 26 մարդ` նախորդ տարվա նույն ժամանակաշրջանի 52 մարդու փոխարեն: