![09_12-tonatsar 09_12-tonatsar](https://hetq.am/wp-content/uploads/2009/12/09_12-tonatsar.jpg)
Երևանի քաղաքապետարանի տեղեկատվության և հասարակայնության հետ կապերի վարչությունից այսօր «Հետքին» հայտնեցին, որ այս Նոր տարուն Երևանում կլինի 3 եղևնի`Հանրապետության հրապարակում, քաղաքապետարանին հարող հրապարակում և Ֆրանսիայի հրապարակում:
Հանրապետության հրապարակում գլխավոր եղևնու տեղադրման աշխատանքները սկսվել են դեկտեմբերի 2-ից. այն վերջնական տեսք կունենա դեկտեմբերի 25-ից-27-ը և հրապարակում կմնա մինչև հունվարի 14-ը:
Հանրապետության հրապարակի եղևնու բարձրությունը կլինի 29 մետր` 3 մետրով ավելի բարձր, քան նախորդ տարվանն էր: Գլխավոր եղևնին բաղկացած է լինելու 4500-ից-5000 տարբեր չափերի սոճու ճյուղերից, որոնք քաղաքապետարանի տեղեկատվության և հասարակայնության հետ կապերի վարչության հավաստմամբ, ձեռք են բերվել սանիտարական էտումների արդյունքում:
Քաղաքապետարանի փոխանցմամբ` գլխավոր եղևնին կունենա գրավիչ տեսք և շքեղություն կհաղորդի քաղաքին: Ամանորի գիշերը կլինի հրավառություն մայրաքաղաքի վարչական բոլոր շրջաններում: Ամանորի հետ կապված մյուս բոլոր միջոցառումների մասին տեղեկատվությունն առայժմ ճշտվում է և պարզ կլինի հաջորդ շաբաթվա ընթացքում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել