«Կեղծիքների եւ խախտումների մասին չեմ ուզում կրկնել, քանի որ այդ ամենի մասին ես բազմիցս խոսել եմ (ինչպես գրավոր, այնպես էլ բանավոր) եւ այդ ամենի ապացուցողական փաստերը ներկայացրել եմ դատարան»,- գրել է քաղաքացի Պարույր Գուլգուլյանը Վերաքննիչ քրեական դատարանի դատաավոր Մհեր Արամանյանին ուղղված դիմումում: Գուլգուլյանը 16 օր առաջ բողոք էր ներկայացրել Վերաքննիչ դատարան, որը գործը վարույթ է ընդունել, սակայն մինչ օրս դատական նիստ չի նշանակել: Պարույր Գուլգուլյանը դատարանից խնդրել է գրավոր տեղեկացնել, թե ինչու են ուշադնում դատական նիստի նշանակման օրը: Հիշեցնենք, որ Գուլգուլյանը իրավական քաշքշուկների մեջ է հայտնվել 1994 թվականից: Այս ընթացքում նա 53 հազար դոլարի վնաս է կրել, բազմիցս իրավապահներին է դիմել, մոտ 30 դատական հայց է ներկայացրել դատարան, սակայն, իր կարծիքով, արդար դատավճռի մինչ օրս չի հասել: Գուլգուլյանը Վերաքննիչ դատարանից պահանջում է դատարանում ապահովել այն անձանց ներկայությունը, որոնք առնչվում են գործի հետ եւ որոնք Գուլգուլյանի խոսքով` կեղծիքներ են թույլ տվել: