Սեպտեմբերի 7-ին`ժամը 12.49-ին, ահազանգ է ստացվել, որ Կոտայքի մարզի Արզական գյուղի «Արտուս» հանգստյան տան հարակից սարում վատացել է հովիվ Ա.Գևորգյանի ինքնազգացողությունը, և նրան սարից իջեցնելու համար անհրաժեշտ է փրկարարների օգնությունը: Դեպքի վայր է մեկնել մարզային փրկարարական վարչության փրկարարական ջոկատը: Փրկարարների ուժերով սարից իջեցվել և «1-03» ծառայության աշխատակիցներին է հանձնվել Արմավիրի մարզի Լեռնագոգ գյուղի բնակիչ, 1948 թվականին ծնված Ա.Գևորգյանը:

ՀՀ ԱԻՆ լրատվական կենտրոնը տեղեկացնում է, որ հիվանդի առողջական վիճակը բավարար է: