Նախագահ Սերժ Սարգսյանն այսօր հրամանագիր է ստորագրել Կարինե Ղազինյանին Հայաստանի Հանրապետության արտաքին գործերի նախարարի տեղակալի պաշտոնից ազատելու մասին` այլ աշխատանքի անցնելու կապակցությամբ: Հանրապետության ղեկավարի մեկ այլ հրամանագրով, Կարինե Ղազինյանը նշանակվել է Մեծ Բրիտանիայի և Հյուսիսային Իռլանդիայի Միացյալ Թագավորությունում Հայաստանի Հանրապետության արտակարգ և լիազոր դեսպան (նստավայրը` Լոնդոն): Այս մասին տեղեկացնում է նախագահի մամլո գրասենյակը:

Կարինե Ղազինյանի կենսագրական տվյալները

Ծննդյան թիվն ու վայրը

Ծնվել է 1955թ. հունվարի 8-ին, Երևանում

Կրթությունը

1977թ. - Երևանի պետական համալսարան, բանասիրության ֆակուլտետ, ռոմանա-գերմանական բաժին

2010թ. հունիս - Հարվարդի համալսարան, Քենեդու կառավարման դպրոց, գործադիր կառավարման դասընթացներ

Աշխատանքային գործունեությունը

1977-1981թթ. - ԽՍՀՄ դեսպանություն, Մոզամբիկ

1983-1988թթ. - ԽՍՀՄ դեսպանություն, Պորտուգալիա

1992-1994թթ. – Երևանի պետական համալսարան, իրավագիտության և բանասիրության ֆակուլտետներում անգլերեն լեզվի դասախոս

1997-1999թթ. - ՀՀ գործերի ժամանակավոր հավատարմատար Ռումինիայում

1999-2001թթ. - ՀՀ արտակարգ և լիազոր դեսպան Ռումինիայում

2001-2009թթ. - ՀՀ արտակարգ և լիազոր դեսպան Գերմանիայի Դաշնային Հանրապետությունում

2009 թ. մարտից ՀՀ ԱԳ փոխնախարար
Հայաստան- ԵՄ Ասոցացման համաձայանագրի գլխավոր բանակցող

2011 թ. սեպտեմբերի 8-ին ՀՀ Նախագահի հրամանագրով նշանակվել է Մեծ Բրիտանիայի և Հյուսիսային Իռլանդիայի Միացյալ Թագավորությունում Հայաստանի Հանրապետության դեսպան

Դիվանագիտական աստիճանը

Արտակարգ և լիազոր դեսպան

Շքանշաններ

Մխիթար Գոշ շքանշան

Մեծ Խաչի ռումինական ազգային շքանշան

Օտար լեզուներ

անգլերեն, ռուսերեն, գերմաներեն, ռումիներեն, պորտուգալերեն

Այրի է, ունի որդի և դուստր